2025.8月
Happy Summer Holiday :) 開心8月, 今個暑假, 安排了一個家庭旅行, 出訪澳洲. 老婆一直都想去, 儲左2年信用卡積分, 上年年底已定下8月20日晚出發去悉尼的機票. 老婆有幾個指定地點想去, 我們亦都想天凝多點體驗. 原定吾想打攪係當地的朋友, 老婆話既然都過去, 不妨都同人講聲. 到左Sydney, 分別見了2個朋友, 亦上左Lawrence, 與當年的英文老師聚舊. 老婆笑我, 又話吾在乎, 但見我個樣不知幾開心....... 一連9天的旅程, 頭2天還下著大雨, 之後天朗氣清. 到埗第一天 (21 Aug), 坐Light Rail去左Fish Market、Chinatown; 亦係Town Hall附近一帶走走. 第2天 (22 Aug)早上, 去左Bondi Junction及Bondi Beach, 但天凝最後[敗走Bondi Beach].......被海浪沖濕全身.....真係似佢爸B我......爸B係邊度跌低, 天凝亦係同一個地方再跌低..... 最後要除衫, 著我件褸, 手抱坐巴士、駁鐵路回酒店沖涼換衫. 下午才到Opera House、Harbour Bridge、The Rock 一帶行下. 晚上接受Irving、Lillian & Brandon一家邀請, 上Sydney Tower食自助餐聚舊. 第3天(23 Aug)早上, 我先去Willaim Street取租車, 接著出發去動物園, 與樹熊、袋鼠拍照; 晚上在Cabramatta食完越南牛肉河後, 去左Ronald Poon & Jennie屋企, 食pizza、飲whiskey傾計. 第4天(24 Aug)開始揸車出發, 花了3個多小時去Stockton Beach大沙丘sandboarding, 及附近的 Toboggan Hill Park 玩滑軌車. 晚上再用上3小時多, 至晚上10點前才到達Coffs Harbour的motel. 幸好, 在臨走Sydney前, 有提前準備, 做定一份豆腐南瓜湯烏冬比天凝, 晚上在公路休息站, 在無McDonald's及Hungry Jack's情況下, 有份晚餐比天凝飽肚. 第5天(25 Aug)一早出發, 先去Big Banana影相...